ABOUT

പാലക്കാട് ജില്ലയിൽ കോട്ടായി ഗ്രാമപഞ്ചായത്തിൽ സ്ഥിതിചെയ്യുന്ന മണ്ഡലക്കോട് ശ്രീധർമ്മശാസ്താക്ഷേത്രത്തിന്റെ ഔദ്യോഗിക വെബ് സൈറ്റാണിത് .

AMG നമ്പൂതിരി

ട്രസ്റ്റ്

വേദ പാരമ്പര്യം

വഴിപാടുകൾ

Account Name : M/S. MANDALAKKODE SRI DHARMA SASTHA TEMPLE TRUST

Account Number : 0735 0730 0000 0273

IFSC : SIBL0000735

Bank Name : SOUTH INDIAN BANK

Branch Name: 0735 KOTTAYI BRANCH

പ്രഭയോടും സത്യകനോടും കൂടിയ ധർമ്മശാസ്താവും മഹാവിഷ്ണുവും ശിവനുമാണ് ക്ഷേത്രത്തിലെ പ്രധാന പ്രതിഷ്ഠകൾ

ക്ഷേത്രത്തിൻ്റെ ചരിത്രം

നൂറ്റാണ്ടുകൾക്ക് മുമ്പ്, പെരുവനം ഗ്രാമസഭയുടെ വേദവിദ്യാലയവും അതിന്റെ നടത്തിപ്പിനും ധനസമാഹരണത്തിനുമായി ഉപയോഗിച്ചിരുന്ന നെൽപ്പാടങ്ങളുടെയും സമീപത്തായാണ് മണ്ഡലക്കോട് ശ്രീ ധർമ്മശാസ്താ ക്ഷേത്രം സ്ഥിതി ചെയ്തിരുന്നത്. ഏകദേശം മുന്നൂറോളം വേദവിദ്യാർത്ഥികളും പണ്ഡിതന്മാരും ഇവിടെ താമസിച്ചു പരമ്പരാഗതമായി വേദപഠനത്തിലും ശാസ്ത്രാധ്യയനത്തിലും ഏർപ്പെട്ടിരുന്നതായി പറയപ്പെടുന്നു.

പണ്ട് വേദപാഠശാല പ്രവർത്തിച്ചിരുന്ന കാലഘട്ടത്തിൽ, ഈക്ഷേത്രത്തിന്റെ കീഴിൽ ധാരാളം പാടശേഖരങ്ങൾ ഉണ്ടായിരുന്നതും അവയിൽ നിന്നു ലഭിച്ചിരുന്ന നെല്ലായിരുന്നു പ്രധാന വരുമാന സ്രോതസ്സും. എന്നാൽ കാലക്രമേണ വേദപാഠശാലയുടെ പ്രവർത്തനങ്ങൾ നിലച്ചുപോകുകയും തുടർന്ന് ഭൂവിതരണനിയമം നിലവിൽ വന്നതോടെ ക്ഷേത്രത്തിന്റെ ഉടമസ്ഥതയിലുണ്ടായിരുന്ന പാടശേഖരങ്ങൾ നഷ്ടപ്പെടുകയും ചെയ്തു. ഇതോടെ ക്ഷേത്രത്തിന്റെ ദൈനംദിനനടത്തിപ്പും പരിപാലനവും ഏറെ ബുദ്ധിമുട്ടേറിയതായി മാറി.

1991-ൽ പെരുവനം ഗ്രാമസഭയിലെ ചുമതലക്കാർ ഈ സ്ഥലവും ക്ഷേത്രവും നടത്തിപ്പിനായി ആര്യവൈദ്യൻ എ.എം.ജി. നമ്പൂതിരിയെ ഏൽപ്പിക്കുകയുണ്ടായി. തുടർന്ന് അദ്ദേഹം ക്ഷേത്രത്തിന്റെ ദൈനംദിന കാര്യങ്ങളും ഭരണനിർവഹണവും ഏറ്റെടുത്ത് നടത്തി വരികയും ചെയ്തു. അദ്ദേഹത്തിന്റെ കുടുംബാംഗങ്ങളും ഈ പ്രവർത്തനങ്ങൾക്ക് ആവശ്യമായ പിന്തുണയും സഹകരണവും നൽകിക്കൊണ്ടിരുന്നു. ഇപ്രകാരം ക്ഷേത്രത്തിന്റെ നടത്തിപ്പും പരിപാലനവും തുടർന്നുപോരുകയുണ്ടായി.

മണ്ഡലക്കോട് ശ്രീ ധർമ്മ ശാസ്താ ക്ഷേത്രം ട്രസ്റ്റ്, കോട്ടായി, രജി. നമ്പർ: 729/2005

തുടർന്ന്, 2005-ൽ ക്ഷേത്രം ഒരു ചാരിറ്റബിൾ ട്രസ്റ്റായി രജിസ്റ്റർ ചെയ്യപ്പെട്ടു. ട്രസ്റ്റിന്റെ നിയമാവലിക്ക് അനുസൃതമായി ക്ഷേത്രത്തിന്റെ ഭരണനിർവഹണവും പ്രവർത്തനങ്ങളും ക്രമബദ്ധമായി മുന്നോട്ടുകൊണ്ടുപോകുന്നതാണ് ഇപ്പോൾ നടപ്പിലാക്കി വരുന്നത്.

ദേവപ്രശ്നവിധി

2026 ജൂൺ 8-ന് നടത്തിയ ദേവപ്രശ്നവിധി പ്രകാരം അനുഷ്ഠിക്കേണ്ട പരിഹാരക്രിയകളും ക്ഷേത്രവുമായി ബന്ധപ്പെട്ട് നിർവഹിക്കേണ്ട വിവിധ പ്രവർത്തനങ്ങളും താഴെപ്പറയുന്ന പ്രകാരമാണ്. പ്രസ്തുത പ്രവർത്തനങ്ങൾ യഥാവിധി നിർവഹിക്കുന്നതിനാവശ്യമായ സഹായസഹകരണങ്ങൾ എല്ലാ ഭക്തജനങ്ങളിൽ നിന്നും ക്ഷേത്രാഭിമാനികളിൽ നിന്നും സദയം അഭ്യർഥിച്ചുകൊള്ളുന്നു.